網紅的藏寶箱講跑。港跑 kong.run呢篇文章真心有Feel。
不得不承認，香港人只有4年一次嘅奧運時先會留意、支持香港運動員。亦只有萬中選一最最最Top嘅運動員，先可以無後顧之憂咁做「全職運動員」。
奧運熱潮過後，要長遠發展體育，就要由根本開始，令「職業運動員」能夠成為一個「有前途」、有出路、受尊重嘅職業。
//係香港，運動員嘅生涯並無連住黃金大道，亦都難怪香港嘅家長們一聽到仔女話要做「全職運動員」就嗤之以鼻。
吊詭嘅係，由細到大，負擔得到嘅家長都會極度鼓勵自己的仔女去學游水、跑步、跳舞、體操、空手道、跆拳道等等等等；但係到啲仔女真心愛上左某項運動，想發展成佢哋嘅事業嘅時候，就耍手拎頭，講句「做運動員無前途」。 從來係香港，「運動」係家長嘅心目中只係為仔女入讀名牌大學、中學、小學，以至幼稚園的入場券，為砌靚個 CV、面試嘅時候唔好被比下去嘅方法。從來只屬手段，而非目的；只係興趣，而非職業。係香港呢個咁高度商業化嘅城市，所有價值觀都被套上一個銀碼，而前特首，現任國家政協副主席都明言「運動沒有任何經濟貢獻」。運動員又點會被尊重？ //
Search